克罗地亚老将撑唔住 比利时抢Ｗ壮行色
2021/06/06文:法达斯维
比利时中场杜根夏萨特
1/2
欧洲顶级劲旅比利时今晚将会同克罗地亚，合演重量级热身大战！由于今仗係欧国盃开打前嘅最后检阅，预计双方排阵同心态上都会比较认真，今仗主场出击嘅比利时挟近8仗赢6场之势，面对老将偏多嘅「格仔兵团」，预计有力赢波壮行色，值得睇高一线。（有线602及662台周一凌晨2时45分直播）
克罗地亚同比利时係2018年世盃亚、季军，不过之后状态同成绩走向各异。「格仔兵团」克罗地亚主力班底仍依靠队长莫迪历、比列锡等年过30嘅老将，而喺一代射手文迪苏杰退出国家队后，亦欠缺一名稳定嘅「士哥拿」，因此战绩出现明显下滑，唔单止于早前欧洲国家联赛录得6战5负失礼成绩，喺3月世界盃外围赛首仗，更爆冷输畀实力平庸嘅斯洛文尼亚，虽然随后两仗击败弱旅塞浦路斯同马尔他，但克罗地亚表现冇晒霸气。
卢卡古杜根夏萨特托弗
相反，比利时表现持续上升，单计欧洲国家盃外围赛10战全胜，3月世盃外亦获2胜1和，包括狂数白俄罗斯8比0，状态火热，难怪企稳世界排名第1。比利时同克罗地亚均在上仗热身赛打和，明显係试阵或早早收起主力，不足为信；与老将偏多嘅「格仔兵团」相比，比利时仍处于黄金时代，就算两位主将奇云迪布尼同夏萨特倦勤，都仲有脚风极顺嘅卢卡古、杜根夏萨特、泰利文斯等弗爆球员可用，加上法国名宿亨利回巢出任助教，更令上下一心。睇番比利时近8仗取得6胜2和，状态大勇，今场有力击败克罗地亚，保持强势征战欧国盃。
